《致命復活》近幾集，出現了連金田一都解唔開的謎，需要更有偵探頭腦的朋友幫忙：
謎一：如何運送張國強去下水道？
據劇情，郭晉安張部私家車俾左朱晨麗揸去元朗見客，單拖去到柴灣某工廈天台揭發張國強害佢，仲制服左佢，但係，得佢一條件友點將張國強搬離工廈，仲要响條街揾車，再搬佢經過樹林，去到藏參點呢？好明顯劇中的郭晉安並非力大無窮，也冇特異功能，整個過程點進行呢？好謎？
謎二：邊個神明感化了張國強唔告發郭晉安？
之前一集才爆出張國強有心害郭晉安，而郭仲害佢被困多天，仲引致他中風，半身不遂，咁深仇大恨，一覺醒來，居然俾假口供唔告郭晉安，除了受到神眀感化外，邊可能咁奇蹟呢？邊個宗教有咁大力量，好想尋求呀！
謎三：錢從何來？
被綁架十年，乜都無晒，做番工作幾個月，郭晉安除了有錢請大狀打官司，仲有廿萬買通莫鴻華老婆（曾慧雲），睇嚟有唔少無人知的私己錢！
謎四：世紀筍工，跟住老婆有糧出？
黃德斌表面係私家偵探，但無論萬綺雯去到邊，佢都跟到實，又有好多時間揍仔，肯肯定跟住個老婆就有糧出，咁筍嘅工，去邊到揾呀？我都想做。
邊位高人可以指點吓？
Search